Dvadasharanayacakra 4.73

4.73

āha--ārṣokteṣu nayeṣu katamo'yam ? iti, atrocyate --evaṃ cāyaṃ saṅgraheṣu . saṅgrahaḥ śatavikalpaḥ, ekkeko ya satavidho satta ṇayasatā havaṃti te cevaṃ āvani॰āva॰ ni॰ 759 iti vacanāt . teṣu saṅgraheṣu ayaṃ vidhiniyamanayo draṣṭavyo ya evaṃ varṇitaḥ . te'pi ca saṅgrahāḥ saṅgraheṇa trividhā bhavanti dravya-sthitanayaprakṛtayaḥ . dravyaprakṛtayaḥ karma-puruṣakārādyekāntavādāḥ, sthitaprakṛtayaḥ puruṣa-kāla-niyatyādivādāḥ, nayaprakṛtayaḥ prakṛtīśvarādikāraṇavādāḥ . teṣu cāyaṃ nayaḥ sthitaprakṛtīnāṃ puruṣa-kāla-niyati-svabhāvanayānāṃ virodhinorīśvaranayasya pradhānanayasya cādhiṣṭhātṛpradhānākhyayorvipakṣo dravyaprakṛtinayo vidhiniyamabhaṅgo draṣṭavyaḥ . sa ca saṅgrahaikadeśatvād dravyārthaḥ, niyamātmakatvāt paryāyāṃśasparśitve'pi saṅgrahaikadeśatvād dravyārtha evāyamiti .