Gita Govinda 1.4

1.4

harismaraṇe śrīkṛṣṇānucintane yadi mano hṛdayaṃ sarasaṃ sarāgaṃ tavāsti | yadi ca vilāsakalāsu tava kutūhalamasti | vipūrvo las kāntau dhātuḥ | vilāsānāṃ kalāḥ tāsu | 'kautūhalaṃ kautukaṃ ca kutukaṃ ca kutūhalam' ityamaraḥ | tadā he budhajana ! jayadevasya kaveḥ sarasvatīṃ vāṇīṃ śṛṇu ākarṇaya | kathaṃbhūtāṃ sarasvatīm | madhurakomalakāntapadāvalīm | madhuraṃ svāḍu karṇapeyam | komalaṃ snigdham | kāntaṃ kamanīyam | patairguṇairupetā padāvalī padapaṅktiryasyāḥ sā tathā tām | pralayetyādi—
he keśava | dhṛtanaraharirūpa | naraharirnṛsiṃhaḥ | dhṛtaṃ narahareḥ rūpaṃ yena sa tathā | tava karakamalavare nakhaṃ tiṣṭhati | kara eva kamalavaraṃ padmaśreṣṭhaṃ tasmin | kiṃbhūtaṃ nakham | adbhutaśṛṅgam | adbhutamāścaryajanakaṃ śṛṅgaṃ agrabhāgo yasya tat | adṛṣṭapūrvamityarthaḥ | punaḥ kiṃbhūtam | dalitahiraṇyakaśiputanubhṛṅgam | hiraṇyakaśipostanuḥ śarīraṃ eva śyāmatvād bhṛṅgaḥ | dalito vidārito hiraṇyakaśipostanubhṛṅgo yena sa tathā tat | chalayasītyādi—