Nitimanjari 2.13

2.13

hiṃsā ca krūratarāśca te ācārāśca tairviśvaśatrutāṃ viśvāniṣṭatāṃ prājño na vrajet | tatra vṛtradṛṣṭāntena dṛḍhayati-yathā vṛtro viśvāvarakaḥ viśvaśatruḥ hiṃsayā kutsitācāraiḥ apāṃ udakānāṃ nirodhako yadyevaṃ vighno'bhūt tarhi indreṇa jaganmitreṇa nihataḥ tasmādviśvaśatrutāṃ na vrajedityarthaḥ |
hiraṇyastūpastriṣṭubhā indraṃ stauti | ābhiplavike pañcame viniyuktam | etāyāmopagavyaṃ tā indramiti | ( ṛ0 1. 33. ) niṣkevalyamiti | he harivaḥ harināmakaśvayuktendra | he sthātara sthitiyukta yuddhe palāyanarahita ugra śauryayukta yat yadā divo'ntarikṣāt rodasyoḥ dyāvāpṛthivyoḥ sakāśācca avratān vratamiti jyotiṣṭomādikaṃ karma tadrahitān niḥ prādhamaḥ niḥ śeṣeṇa dhamanaṃ vadhaṃ kṛtavān asi | dhamatīti vadhakarmāṇaḥ (nighaṇṭu2|19)| tadānīṃ te ayajvānaḥ svayaṃ yāgarahitāḥ pratyuta yajvabhiḥ saha yāgānuṣṭhānakartṛbhiḥ saha spardhamānāḥ śīrṣā śīrṣāṇi svakīyāni śirāṃsi parāvavṛjuḥ tatyajuḥ | vṛjī varjane asaṃyogālliṭ kit (pā0 1|