Rigvedabrahmana 10.2

10.2

añjanti tvāmadhvare devayanta ityaktavatīmabhirūpāmrājyamānāyānvāhocchrayasva vanaspate samiddhasya śrayamāṇaḥ purastājjāto jāyate sudinatve ahnāsūrdhva ū ṣu ṇa ūtaya ūrdhvo naḥ pāhyaṃhaso niketunṛtyucchritavatīścodgatīścocchriyamāṇāyānvāha yuvā suvāsāḥ parivīta āgāditi parivītavatyā paridadhātyabhirūpā anvāha yadyajñe 'bhirūpaṃ tatsamṛddhaṃ yajñasyaiva samṛddhai tā vai saptānvāha sapta vai cchandāṃsi sarveṣāmeva
cchandasāmāptyai triḥ prathamayā triruttamayaikādaśa saṃpadyanta ekādaśākṣarā
triṣṭup traiṣṭubhāḥ paśavaḥ paśūnāmevāptyā iti tvekayūpa ekapaśau cātha
yadyekayūpa ekādaśinīmālabheranpaśau paśāvevādhvaryuḥ saṃpreṣyati paśau paśāveva yuvā suvāsāḥ parivīta āgāditi saiva paridhānīyā sā
parivīyamāṇāyāti nvekayūpe 'tha kathaṃ yūpaikādaśinyāmityetā eva sapta
saptādaśabhyo 'nubrūyādatha yamuttamaṃ saṃminvanti tasminyatsūktasya pariśiṣyeta
tadanuvartayetpurastātpragāthasya tacchraṅgāṇīvecchṛṅgiṇāṃ saṃdṛṣṭatha iti sarvānevānuvadati yuvā suvāsāḥ parivīta āgāditi saiva paridhānīyā
sā parivīyamāṇāya tamāṅgaranupraharedyajamāno vā eṣa yadūpaḥ svargo
loka āhavanīyastadenaṃ svargaṃ lokaṃ gamayati tatsvargyamiti tadu vā
āṅgastiṣṭhedeva yadidamāsthānaṃ svarostata īśvarā yadi nāsurarakṣāṃsyanvavapātostasmāttikṣedyato vajro yajñavāstau tiṣṭhedevāsurarakṣāṃsyapaghnannapabādhamāno yajñaṃ caiva yajamānaṃ cābhigopāyannityatha yūpya eko dravya
eko gattyai eko yo 'vācīnavakalaḥ sa¹ gatryaṃstasyāśāṃ neyādatha ya
ūrdhvavakalo dravyaḥ sa mānuṣaḥ kāmaṃ tasyāpi kurvītātha yasya prasavyā
ādityasyānvāvṛttā vakalāḥ sa yūpyaḥ sa² svargya ekastho bhrātṛvyo
yo vānuvṛtaḥ palāśairā mūlātsyātso 'namraḥ sa paśavyastaṃ paśukāmaḥ
kurvīta