Rigvedabrahmana 10.3

10.3

agnīṣomayorvā eṣa ātmānamāpadyate yo dīkṣate tadyadupavasathe 'gnīṣomīyaṃ paśumālabhata ātmaniṣkrayaṇo haivāsyaiṣa tenātmānaṃ niṣkrīyānṛṇo bhūtvātha yajate tasmādu tasya nāśnīyātpuruṣo hi sa pratimayā
tadu vā āṅurhavirhavirvā ātmaniṣkrayaṇaṃ haviṣo haviṣa eva sa tarhi
nāśnīyādya ātmaniṣkrayaṇamiti nāśnīyāttasmādu kāmamevāśitavyamahorātre vā agnīṣomau tadyaddivā vapayā caranti tenāhaḥ prītamāgneyaṃ
rātrimabhisaṃtiṣṭhate tena rātriḥ saumī prītā saiṣāhorātrayoratimuktirityahorātre yajñena mucyete nainaṃ te āpnuto ya evaṃ vidvānetaṃ paśumālabhate tamāṅrdvirūpaḥ syācchuklaṃ ca kṛṣṇaṃ cāhorātrayo rūpeṇa śuklaṃ
vātha lohitaṃ vāgnīṣomayo rūpeṇeti tasyaikādaśa prayājā ekādaśānuyājā ekādaśopayajastāni trayastriṃśattrayastriṃśadvai sarve devāḥ sarveṣāmeva devānāṃ prītyai prāṇā vai prayājā apānā anuyājāstasmātsamā
bhavanti samānā hīme prāṇāpānāstadāṅaḥ kasmādṛcā prayājeṣu yajati
pratīkairanuyājeṣviti retaḥ sicyaṃ vai prayājā reto dheyamanuyājāstasmādṛcā prayājeṣu yajati pratīkairanuyājeṣvityatha yatsarvamuttamamāha svarga
eva talloke yajamānaṃ dadhātyāprībhirāprīṇāti sarveṇa ha vā eṣa
ātmanā sarveṇa manasā yajñaṃ saṃbharate yo yajate tasya riricāna iva
vā etasyātmā bhavati tamasyaitābhirāprībhirāprīṇāti tadyadāprīṇāti
tasmādāgniyo nāma paryagniṃ¹ paśuṃ karoti rakṣasāmapahatyā agnirve rakṣasāmapahantā triḥ prasavi paryagnikaroti tadyathā tisro 'gniḥ puraḥ kuryādevaṃ tattasmātpunaḥ parīhītyagnīdhaṃ brūyādyamicchenna pracyaveteti