Rigvedabrahmana 21.4-2

21.4-2

jyotiḥ ṣaṣṭhamahrūpayanti tasya tānyeva cchandorūpāṇi yāni ṣaṣṭhasyāhnaḥ sakhāyaḥ saṃ vaḥ samyañcamityājyaṃ sakhāya iti sarvarūpaṃ sarvarūpaṃ
vai ṣaṣṭhamahastasmātsakhāya iti sarvānevānuvadati saṃhāryaḥ praugo bṛhadvai
sāma sṛjyamānaṃ saṃhāryaḥ praugo 'nvasṛjyata tadrūpeṇa karma samardhayatyetadvā
ṛrdhukaṃ karma yadrūpasamṛddhaṃ mahām̐ indro nṛvadā carṣaṇiprā iti marutvatīyamaruḥ pṛthuḥ sukṛtaḥ kartṛbhirbhūditi ninṛttirantaḥ ṣaṣṭhamaharnīva vā antūṃ
gatvā nṛtyati kadyaṅga hi tata iyātho jāta eva prathamo manasvāniti
niṣkevalyaṃ tasya tadevāntarūpaṃ yadbhūtānuvādi¹ yo dāsaṃ varṇamadharaṃ guhākariti yadetadbhūtamivābhi sodarkaṃ bhavati taddvitīyamantarūpaṃ tadvevasya
saviturvārthaṃ mahaditi sāvitraṃ divo dhartā bhuvanasya prajāpatiriti
diva iti tadamuṣya lokasya rūpaṃ ghṛtena dyāvāpṛthivī abhīvṛte iti
dyāvāpṛthivīyaṃ ghṛtavatsarvadevatyaṃ vai ghṛtaṃ sarvadevatyaṃ ṣaṣṭhamahastasmāddhṛtavatkimu śreṣṭhaḥ kiṃ yaviṣṭho na ājagannityārbhavaṃ śreṣṭho yaviṣṭha iti ninṛttirantaḥ ṣaṣṭhamaharnīva vā antaṃ gatvā nṛtyati kadyaṅ hi tata iyādbudhnamu tya indravanto agnaya iti vaiśvadevaṃ tasya tadevāntarūpaṃ yatsodarkaṃ
vaiśvānarāya dhiṣaṇāmṛtāvūdha iti vaiśvānarīyaṃ ghṛtaṃ na pūtamagnaye janāmasīti ghṛtavattasyoktaṃ brāhmaṇaṃ dhārāvarā maruto dhṛṣṇavojasa iti
mārutaṃ dhārāvarā iti ninṛttirantaḥ ṣaṣṭhamaharnīva vā antaṃ gatvā nṛtyati
kadyaṅa hi tata iyāttvamagne dyubhistvamāśuśukṣaṇiriti jātavedasīyaṃ tvaṃ
tvamiti saprabhṛti yathā vai sodarkamevaṃ saprabhṛtyantarūpamapaḥ ṣaṣṭhenāhnāpnuvanti prajāpatiṃ devaṃ devatānāṃ tejo 'dhibhūtamamṛtamātmandadhate