Yāska's Nirukta 117.2

117.2

"katpayam (7 )"--ityanavagatam | 'kapayam'--ityavagamaḥ | kapayamityavagame "sukhapayasaḥ "--iti paryāyeṇābhidheyavacanam | madhurodako yo meghaḥ, so'bhidheyaḥ | kiṃ kāraṇam ? "sukhaṃ" hi sukhotpādanam "asya" "payaḥ" madhuratvāt | '"tyaṃ ci̍ditthā ka̱tpaya̱ṃ śayā̍nama̱sūrye̱ tama̍si vāvṛdhā̱nam || taṃ ci̍nmandā̱no vṛ̍ṣa̱bhaḥ tasyo̱jairindro̍ apa̱gūryā̍ jaghāna || (ṛ0 saṃ0 4, 1, 32, 6)"--iti ||
gāturnāmātreyaḥ, tasyeyamarṣam | "tyaṃ" taṃ megham "itthā" amunā prakāreṇa, athavāamuṣminnantarikṣaloke "katpayaṃ" sukhodakaṃ "śayānam" 'asūrye' tamaśca kṛtvā 'vāvṛdhānaṃ' varddhamānam | 'mandānaḥ' mandamānaḥ, 'vṛṣabhaḥ' varṣitā, 'indraḥ' 'sutasya' abhiṣutasya, somasya svamaṃśaṃ pītvā | tataḥ 'ujraiḥ' vajram "apagūrya" avagūrya 'jaghāna' | .ya evaṅguṇayukta indraḥ, so'smākamidaṃ nāma karotvityevamāśīryojyā || evamatrendrī jaghāneti anena sambandhāt ““katapayaḥ-sukhapayaḥ-meghaḥ”-ityupapadyate, tasya vadhasyābhīṣṭatvat |
6 |