Yāska's Nirukta 6.7

6.7

``asme te bandhuh/''
vayam ity arthah/
``asme yātam nāsatyā sajoṣāh/''
asmān ity arthah/
``asme samānebhir vṛṣabha pauṃsyebhih/''
asmābhir ity arthah/
``asme pra yandhi maghavann ṛjīṣin/''
asmabhyam ity arthah/
``asme ārāc cid dveṣaḥ sanutaryuyotu/''
asmad ity arthah/
``ūrva iva paprathe kāmo asme/''
asmākam ity arthah/
``asme dhatta vasavo vasūni/''
asmāsv ity arthah/
pātho antarikṣam pathā vyākhyātam/
``śyeno na dīyann anveti pātha''
ity api nigamo bhavati/
udakam api pātha ucyate pānāt/
``ā caṣṭa āsām pātho nadīnām''
ity api nigamo bhavati/
annam api pātha ucyate pānād eva/
``devānām pātha upa vakṣi vidvān''
ity api nigamo bhavati/
savīmani prasave/
``devasya vayam savituḥ sabīmani''
ity api nigamo bhavati/
saprathāḥ sarvataḥ pṛthuh/
``tvam agne saprathā asi''
ity api nigamo bhavati/
vidathāni vedanāni/
``vidathāni pracodayan''
ity api nigamo bhavati/