Subalavajratunda (Subālāvajratuṇḍa)

सुबालावज्रतुण्ड

drama in 5 acts describing the killing of a serpent Raktāṅgada by rat Vajratuṇḍa

Language: Sanskrit
Author: Rāmamiśra
Extent: 98 passages, 2,678 words
Text: partly digitised
Source: archiveorg · TSS 234: Subālāvajratuṇḍa; ed. K. Raghavan Pillai; Trivandrum Sanskrit Series 234; University of Kerala; 1971 · Scan of a printed edition hosted by the Internet Archive (archive.org); the ancient text is in the public…

1 — 12 parts
2 — 6 parts
3 — 8 parts
4 — 6 parts
5 — 4 parts

Text

1.1.p1

[ nāndyante tataḥ praviśati sūtradhāraḥ | ]

sūtradhāraḥ-śrīkaṇṭhasya lalāṭalocanapuṭāduddhāntasaptārciṣā
sākaṃ puṣpaśaraiḥ sahekṣudhanuṣā dagdhe manojanmani
yā svonmuktakaṭākṣasāyakavareṇādatta dehārtha kaṃ
patyuḥ sā tuhinācalapriyasutā bhūyāt pramodāya vaḥ

1.3

praṇayakupitāṃ devīṃ natvotthitaḥ parisāntvayan
mukhamupagatajyotsnāntasmeramityupagūhayan
nayanahutabhukchāyāraktekṣaṇaṃ parameśvaro
bhayacakitadhīrdṛṣṭvā bhūyo namannavatāt sa vaḥ

1.3.p1

alaṃ pravistareṇa | tad yāvat pāripārśvakamāhūya prastutakarmasiddhaye
vyāpriyāmahe | [ naipathyābhimukhamavalokya ] māriṣa itastāvat

1.3.p2

[ praviśya pāripārśvikaḥ ]

1.3.p3

pāripārśvikaḥ — ārya ayamasmi
sūtradhāraḥ — ādiśṭo'smi sakalavismayanīyavidyādayāguṇabhājanena samānena| yathā-kavinā śrīrāmanāmnā nṛpamukhena racitaṃ
subālā vajratuṇḍaṃ nāma nāṭakaṃ sarvatābhinayacatuṣṭayena pravṛddharasaṃ prayoktavyamiti| tadāvāṃ sannaddhāvaḥ
pāripārśvikaḥ— bhāva ! yadyevaṃ nepathyaracanāṃ kartuṃ sādhayāvaḥ

1.3.p4

[ ubhau parikrāmataḥ|]

1.4

pāripārśvikaḥ— bhāva kimayaṃ hāhāśabdaḥ śrūyate
sūtradhāraḥ — aye paraparibhūtāyā madgṛhiṇyā iva kharaḥ
[vicintya] bhavatu,
gṛhiṇīmānayāmyenāṃ nihatya ripumāhave
mūṣikapravarāmātyo vajratuṇḍo yathā priyām

1.4.p1

[ niṣkrāntau|]

1.4.p2

[ tataḥ praviśati gaulī|]

1.5

gaulī — aho tu khalu atibahumānāspadaṃ mahāmūṣikāmātyasya
vajratuṇḍasya mahimā| yasya pratāpādiguṇena vināyakavāhano mūṣikarājo'pyasmadamātyo bhavatu bhavānityuktavān| api ca,
labdhvā bāhuvinirjitottundurugaṇairānīyamānaṃ karaṃ
bhaktyā samparitoṣya mūṣikavaraṃ vighneśvarodvāhinam
dattvāsmabhyamacintitānyapi phalānyasmatprayuktāśiṣastuṣṭaḥ sampratigṛhya samprati vayasyena pratasthe purāt

1.5.p1

tadvayamapi tatprasādalabdhena śyāmākādidhanena svabhavanaṃ
gacchāmaḥ | [ niṣkrāntaḥ | ]
viṣkambhakaḥ

1.5.p2

[ tataḥ praviśati vajratuṇḍo vidūṣakaśca |]

1.6

vajratuṇḍaḥ— sakhe adharin ! itastāvat
vidūṣakaḥ— vaassa ! eso hmi | (vayasya ! eṣo'smi |)
vajratuṇḍaḥ— sakhe idānīm,
vṛṣalīkartarīkṛttakalamābhārapūritam
dhānyagehaṃ vrajāvedaṃ kṣutpīḍāpaninīṣayā

1.7

vidūṣakaḥ— bho vaassa ! ettiaṃ veḷaṃ mūsiarāapūaṇatthaṃ tuvaramāṇehiṃ amhehiṃ bhoaṇaṃ visumāradaṃ | dāṇi khu tassa osaro | tā
gacchahma | [ ubhau parikrāmataḥ |] (bho vayasya ! iyatīṃ veḷāṃ mūṣikarājapūjanārthaṃ tvaramāṇābhyāmāvābhyāṃ bhojanaṃ vismṛtam | idānīṃ khalu tasyāvasaraḥ
tad gacchāvaḥ |)
vajratuṇḍaḥ — [nimittaṃ sūcayan ]
vāmetaro'yaṃ bāhurme kathaṃ praspandate'dhunā
sarvo'bhilāṣaḥ pūrṇo me mūṣikendraprasādataḥ

1.7.p1

vidūṣakaḥ— bho vaassa ! takkemi dāva imiṇā suṇimitteṇa
āsaṇṇā de piadametti | (bho vayasya ! tarkayāmi tāvadanena sunimittenāsannā te priyatameti |)
vajratuṇḍaḥ - kiṃ kiṃ priyatameti
vidūṣakaḥ - piadamā khu de kaḷamāvalitti mae bhaṇidaṃ

1.7.p2

priyatamā khalu te kalamāvaliriti mayā bhaṇitam

1.7.p3

vajratuṇḍaḥ - sakhe ! idaṃ dhānyageham | yāvat praviśāvaḥ

1.7.p4

[ ubhau praveśaṃ nāṭayataḥ | ]

1.8

vidūṣakaḥ - bho vaassa ! mahuramahuro vīṇāe via saro suṇīadi | (bho vayasya ! madhuramadhuro vīṇāyā iva svaraḥ śrūyate |)
vajratuṇḍaḥ - sakhe ! nāyaṃ vīṇāsvaraḥ | śrūyate kasyāścinmūṣikayoṣitaḥ śītkāraḥ | [punaḥ saspṛhamākarṇya ]
śītkāro'yamamuṣyā mādhuryānmaśukagītamatiśete
madanonmādamadabhraṃ janayeddhṛdi śṛṇvatāṃ puṃsām

1.8.p1

vidūṣakaḥ - [svagataṃ] bho edassa hiaaṃ aṇṇārisaṃ via
kahehi maaṇaviāro | tā kīdiso edassa pariṇāmotti ṇa
āṇāmi | (bho etasya hṛdayamanyādṛśamiva kathayati madanavikāraḥ| tat
kīdṛśa etasya pariṇāma iti na jānāmi |)

1.8.p2

[ nepathye ]

1.9

sahi ido ido | (sakhi ! ita itaḥ |)
vajratuṇḍaḥ - sakhe adhārin ! api śrutaṃ bhavatā
vacanamidamamṛtadhārāvarṣi śravasormadīyayorjātam
manye tribhuvanavijayaprathitabrahmāstramantramaṅgabhuvaḥ

1.10

sakhe ! tadvacanamadirāmodaparavaśāni me gātrāṇi
vidūṣakaḥ- [sāvadhānaṃ vilokya ] bho vaassa ! esā tisse
padapaṃttī dīsai | tā imiṇā maggeṇa gadua taṃ aṇṇesāmo | (bho vayasya !
eṣā tasyāḥ padapaṅktirdṛśyate | tadanena mārgeṇa gatvā tāmanviṣyāva |)
vajratuṇḍaḥ- bāḍham | [ ubhau parikrāmataḥ | ]
vidūṣakaḥ- bho vaassa ! ciṭṭha ciṭṭha | attabhavaṃ puṇa jisse
saraṃ suṇia īrisaṃ avatthaṃ paḍivaṇṇo tisse saāsagaassa tujjha ado
varaṃ saṃkaḍaṃ āgamissaitti takkemi | (bho vayasya ! tiṣṭha tiṣṭha
atrabhavān punaryasyāḥ svaraṃ śrutvā īdṛśīmavasthāṃ pratipannastasyāḥ sakāśagatasya
tava ataḥ paraṃ saṅkaṭamāgamiṣyatīti tarkayāmi |)
vajratuṇḍaḥ- sakhe ! nāyaṃ parihāsāvasaraḥ | taddarśanāya tvaritataraṃ gacchāvaḥ | [ ubhau parikrāmataḥ | ]
vidūṣakaḥ- esā kāvi kaḷamakaṇisaṃ khādai | (eṣā kāpi
kalamakaṇiśaṃ khādati |)
vajratuṇḍaḥ- [sānandamavalokya ] sakhe ! iyamatisukumārarūpā tapasvinī | [punarvicintya ]
rasī nāyaṃ dhātā prakṛtijaḍa evāmṛtakaraḥ
prajāsṛṣṭau kāmo'pyaparicayato naiva sukṛtī
na sṛṣṭaṃ kenāpi pracurataralāvaṇyasubhagaṃ
svayaṃbhūtaṃ manye vapuridamamuṣyā nirupamam

1.11

vidūṣakaḥ- bho vaassa ! esā jīhāe mahurovadaṃsaṃ via
akkhīṇaṃ suhaṃ karedi | (bho vayasya ! eṣā jihvāyā madhuropadarśāmivākṣṇoḥ
sukhaṃ karoti |)
vajratuṇḍaḥasyāḥ sakhe ! pṛthunitambapayodharāyāḥ
pītvādharāmṛtamalabhyamapi sudhāmnām
āśleṣasaukhyamanubhūya ratāvasāne
śete sukhaṃ jagati yaḥ sukṛtī sa eva

1.11.p1

[tataḥ praviśati subālā nāma mūṣikakanyā ceṭī ca |]

1.11.p2

1.11.p3

[ubhe upaviśataḥ |]

1.11.p4

subālā- [dṛṣṭvā sānandaṃ hṛdayagataṃ] ko ṇu khu eso kaṃdappasamāṇarūvo dīsai | (ko nu khalveṣa kandarpasamānarūpo dṛśyate |)
ceṭī- [svagataṃ] ammo ! mūsiakumāro āacchadi | [punassubālāṃ vilokya] edassi mahāṇubhāve aṇuraṃjadi via se hiaaṃ
(ammo ! mūṣikakumāra āgacchati | etasmin mahānubhāve anurajyata ivāsyā
hṛdayam |)
vidūṣakaḥ- bho vaassa esā kiṃpi ciṃtayaṃtī ciṭṭhai | tā
appaāsaṃ upavisia tisse serāḷāvaṃ suṇia hiaagaavayuttaṃtaṃ jāṇia
puṇo a tā ṇiattāṇaṃ paāsaamha | (bho vayasya ! eṣā kimapi cintayantī tiṣṭhati | tadaprakāśamupaviśya tasyāḥ svairālāpaṃ śrutvā hṛdayagatavṛttāntaṃ
jñātvā punaśca tāvannijātmānaṃ prakāśayāvaḥ |)
vajratuṇḍaḥ- bāḍham | [tathā kurutaḥ |]
subālā - hadāhmi | mama hiaaṃ vi avaharia gado so | hā !
davvasiviṇo mae diṭṭho | (hatāsmi | mama hṛdayamapi apahṛtya gataḥ saḥ
hā ! bhavya (sundara) svapno mayā dṛṣṭaḥ |)
ceṭī - [svagataṃ] kiṃ ādado so kumāro oado a | imāe
madaṇuṃmādo vi viuṇio | tā kīriso edassa pariṇāmo
(kimāgataḥ sa kumāro'pagataśca | asyā madanonmādo'pi dviguṇitaḥ | tat
kīdṛśo'sya pariṇāmaḥ |)
subālā - [dīrghaṃ niḥśvasya] hā maṇoaradaia! kahiṃ gadosi

1.11.p5

hā manoharadayita! kutra gato'si

1.12

ceṭī- bhaṭṭidārie! kiṃ tue vippaḷavidaṃ | (bhartṛdārike! kiṃ
tvayā vipralapitam |)
subālā- [salajjaṃ] haṃje! īriso me siviṇabbhamo | (hañje!
īdṛśo me svapnabhramaḥ |)
ceṭī-- maaṇabbhamo tti kahehi | kahaṃ puṇa appasuttāaṃ tui
siviṇabbhamo | (madanabhrama iti kathaya | kathaṃ punaraprasuptāyāṃ tvayi svapnabhramaḥ |)
subālā-- [ saroṣaṃ ] kahaṃ maaṇabbhamo tti tue maṃtidaṃ | (kathaṃ
madanabhrama iti tvayā mantritam |)
ceṭī-- tassa mūsiajuarāassa daṃsaṇādo ārahia aṇṇārisaṃ via de hiaaṃ | teṇa ccia mae maṃtidaṃ | (tasya mūṣikayuvarājasya
darśanādārabhya anyādṛśamiva te hṛdayam | tenaiva mayā mantritam |)
subālā-- tahiṃ aṇuttarāhmi | (tarhi anuttarāsmi |)
vidūṣakaḥ- bho vaassa ! sudaṃ tue tattahodīe vaaṇaṃ ! (bho
vayasya ! śrutaṃ tvayā tatrabhavatyā vacanam |)
vajratuṇḍaḥśrutameva śrotavyaṃ sakalaṃ mama puṇyasañcayairlabhyam
adya vidheranuguṇatā saphalā yadi tatsamāgamaśca bhavet

1.12.p1

subālā- [ ātmagataṃ ] puvvaṃ mae sahīe vaaṇeṇa sudaparakamarūvādisao mūsiakumāro khu ajja diṭṭho | (pūrvaṃ mayā sakhyā vacanena
śrutaparākramarūpātiśayo mūṣikakumāraḥ khalvadya dṛṣṭaḥ |)
vajratuṇḍaḥ- sakhe ! asya rūpavilokanamuditamanaso mama vāmabāhuḥ parispandate | kimiti na jānāmi | [naipathye pūṣakamahādhvaniḥ
sarve sasaṃbhramaṃ niṣkrāntāḥ |]
iti prathamo'ṅkaḥ
dvitīyo'ṅkaḥ

1.12.p2

[tataḥ praviśati madanāviṣṭacitto vajratuṇḍo vidūṣakaśca |]

2.1

vajratuṇḍaḥ— sakhe ! atidussaho'yaṃ mārjāraḥ | yad dayitādarśanamuditaṃ mamāpi hṛdayaṃ amani | idānīmapi ninadastasya śrūyamāṇa
iva me pratibhāti
vidūṣakaḥ— bho vaassa ! sudaṃ mae goḷīvaaṇeṇa- ajja khu ji
ṇaddhaṃ ṇavaṇīdaṃ bhakkhaantassa tassa sīsaṃ bhidīaditti | tā sukhaṃ
uvavisadu bhavaṃ | (bho vayasya śrutaṃ mayā gaulīvacanena- adya khalveva nyastaṃ
navanītaṃ bhakṣayatastasya śīrṣaṃ bhedyata iti | tat sukhamupaviśatu bhavān |)
vajratuṇḍaḥ— svastyastu bhavate | [ityupaviśya] sakhe ! etāvantaṃ
kālaṃ mārjāravāgjālopacitabhayena yo madanamahānalaḥ praśāntaḥ sa
idānīmujjṛmbhate | tat santāpaśamanopāyaścintyatām
vidūṣakaḥ— [ciraṃ vicintya] bho vaassa ! maśakappavaro khu
dāṇiṃ āgamissadi | tassa saṃgīdasavaṇeṇa viṇodaa saṃdāvaṃ
(bho vayasya ! maśakapravaraḥ khalvidānīmāgamiṣyati | tasya saṅgītaśravaṇena vinodaya santāpam |)
vajratuṇḍaḥ— sakhe ! na khalvīdṛśā mama madanāśvāsanahetavaḥ
pāravaśyācittasya | paśya—
bhūyo'lasairvicalitairmasṛṇaiḥ pramugdhairāspanditaistadanu mandataraiḥ kaṭākṣaiḥ
tayā balādapahṛtaṃ mama hanta cittaṃ
vindatyanaṅ‌gadahane puṭapākatāpam

2.2

vidūṣakaḥ- bho vaassa ! kusumāuhamusiā via tujjha dhīradā
dāṇiṃ | (kusumāyudhamuṣiteva tava dhīratedānīm |)
vajratuṇḍaḥādāya niśitān bāṇān vamato'gniśikhāṃ mukhaiḥ
praharanmadano'yaṃ māṃ kathaṃ syāt kusumāyudhaḥ

2.3

[dīrghaṃ niḥśvasya] api ca,
tuhinakaṣaṇaśītaḥ prollasanmallikānāṃ
vikacakusumasāndrāmodamādāya mandam
marudayamapanetuṃ malayaḥ prāṇaśeṣaṃ
madanaparasabhitraṃ vījati dveṣato mām

2.3.p1

tad bhūyo'pi tatpādapadmālaṅkṛtaṃ deśaṃ gacchāvaḥ
vidūṣakaḥ - [ātmagataṃ] tisse padakamaḷasaṃsaggasuhaaṃtipadesaṃ
vi kāmeduṃ pavutto eso | tamuddisia kīriso kāmotti ṇa āṇāmi
[ubhau parikrāmataḥ |] (tasyāḥ padakamalasaṃsargaśubhapaṃktipradeśamapi kāmayituṃ
pravṛtta eṣaḥ | tāmuddiśya kīdṛśaḥ kāma iti na jānāmi |)

2.3.p2

[tataḥ praviśati subālā ceṭī ca |]

2.3.p3

2.3.p4

yad bhartṛdārikā ājñāpayati

2.3.p5

vidūṣakaḥ- bho vaassa ! esā sā āacchadi | tā kaṇisapūratirohidā suṇumu tesaṃ serālā̱vaṃ | [tathā kurutaḥ |] (bho vayasya ! eṣā
sā āgacchati | tat kaṇiśapūratirohitau śṛṇuvastayoḥ svairālāpam |)
subālā- [ātmagatam] kiṃ ṇu hu hijjo diṭṭho mūsiajuvarāo kaṇisaṃtaraṃ gacchadi | tā ettha u pavisābhi | [ubhe praviśataḥ |]
(kiṃ nu khalu hyo dṛṣṭo mūṣikayuvarājaḥ kaṇiśāntaraṃ gacchati | tadatraiva
praviśāmi |)
ceṭī - bhaṭṭidārie ! dāṇiṃ de visumaridaṃ kaṇisaṃ kaṇisaṃtaraṃ
gacchadi | (bhartṛdārike ! idānīṃ te vismṛtaṃ kaṇiśaṃ kaṇiśāntaraṃ gacchati |)
subālā - kiṃ ummattiā tuvaṃ ahava jaṃgamo so | (kimunmattikā
tvamathavā jaṅgamaḥ saḥ |)
ceṭī - jaṃ visumaridaṃ tti tue kahidaṃ taṃ kaṇisaṃ jaṃgamotti
mae maṃtidaṃ | (yad vismṛtamiti tvayā kathitaṃ tat kaṇiśaṃ jaṅgama iti mayā
mantritam |)
subālā - alaṃ te ummattāḷāveṇa | tavaṇakarehiṃ dūsiaṃ me
sarīraṃ | (alaṃ te unmattālāpena | tapanakarairdūṣitaṃ me śarīram |)
ceṭī - ṇa khu tavaṇo | eso khu sisirakaro evva | addharatte
kahaṃ tavaṇappasaṃgo | (na khalu tapanaḥ | eṣa khalu śiśirakara eva | ardharātre kathaṃ tapanaprasaṅgaḥ |)
subālā — [salajjaṃ] alaṃ ediṇā | adidūsaho me saṃdāvo
tā sisirovaāraṃ gahia turiaṃ āaccha | (alametena | atidussaho
me santāpaḥ | tacchiśiropacāraṃ gṛhītvā tvaritamāgaccha |)
ceṭī — jaṃ bhahṛidāriā āṇavedi | [niṣkrāntā |] (yadbhartṛdārikā ājñāpayati |)
subālā — [sonmādaṃ] hā vammahahadaa ! kahaṃ maṃ evva paharesi
taṃ ca jaṇamuddiie ekkaṃ saraṃ muṃcca tuvaṃ | [punaḥ pratyākalayya] hā pāṇavallabha ! mama hiaaṃ vi avaharia kahiṃ gadosi | (hā manmathahataka !
kathaṃ māmeva praharasi | taṃ ca janamuddiśyaikaṃ śaraṃ muñca tvam | hā prāṇavallabha !
mama hṛdayamapyapahṛtya gato'si |)
vajratuṇḍaḥ — [ātmagataṃ] ayi dayite ! tvayāpahṛtasattvo'haṃ tava
hṛdayamapahartumanyatra gantuṃ ca kathaṃ śaknuyām
subālā — ṇiyasahadhammaāriṇaṃ hiaaṃ vi pariccaijja iha evva
ṭhiāṇaṃ pāṇāṇaṃ pariccao mae dāṇiṃ kādavvo | [iti maraṇāya pāśaparigrahaṃ karoti |] (nijasahadharmacāriṇaṃ hṛdayamapi parityajya ihaiva sthitānāṃ
prāṇānāṃ parityāgo mayedānīṃ kartavyaḥ |)
vajratuṇḍaḥ — [sasaṃbhramaṃ] mā khalu mā khalu sāhasamanuṣṭheyam [iti
karaṃ gṛhṇāti | subālā salajjaṃ sapramodaṃ ca sthitā |]
vidūṣakaḥ — bho vaassa dhaṇṇagehaṃ rakkhantāṇaṃ maṇussāṇaṃ gaṇo
ettha āgamissadi | tā turiaturiaṃ ṇaṃ ghettūṇa gacchahma | (bho
vayasya ! dhānyagehaṃ rakṣatāṃ manuṣyāṇāṃ gaṇo'trāgamiṣyati | tat tvaritatvaritamenāṃ gṛhītvā gacchāvaḥ |)
vajratuṇḍaḥ — bāḍham | [tayā saha parikrāmataḥ |]

2.3.p6

[tataḥ praviśati ceṭī |]

2.3.p7

2.3.p8

[tataḥ praviśati gaulī |]

2.3.p9

gaulī— aye ! gṛhabhūṣikakulālaṅkārabhūtāyāḥ suvālāyāḥ
pāṣāṇadāraṇaputryāśceṭī bhinnakarṇā nāma āgacchati | tadabhibhāṣe
tāvadenām | [prakāśam ] ayi bhinnakarṇe ! idānīṃ kutaḥ samāgatā
ceṭī — [sapraṇāmaṃ] suṇādu goḷībhaavaṃ | ajja dhaṇṇagehādo
bhaddidāriāe ṇioeṇa cūdappavāḷādisisirovaāraṃ ghettūṇa puvvaṇiveside padese bhaddidāriaṃ appekkhaṃtī taṃ aṇṇesiuṃ ettha āadā
(śṛṇotu gaulībhagavān | adya dhānyagehād bhartṛdārikāyā niyoyena cūtapravālādiśiśiropacāraṃ gṛhītvā pūrvaniveśite pradeśe bhartṛdārikāmaprekṣamāṇā tāmanveṣṭumatrāgatā |)
gaulī- ayi vatse ! adya tāṃ kanyakāmapahṛtya vajratuṇḍo nāma
mūṣikakumāra ita evāgataḥ
ceṭī- bhaavaṃ jai evvaṃ amhehiṃ pāsāṇadāraṇassa edaṃ apatthaṃ
ṇivedaṇijjaṃ | (bhagavan yadyevaṃ asmābhiḥ pāṣāṇadāraṇāyaidamapathyaṃ nivedanīyam|)
gaulī- tarhi satvaraṃ nivedyatām

2.3.p10

[ceṭī sapraṇāmaṃ gatā |]

2.4

gaulī- adya khalu vajratuṇḍapāṣāṇadāraṇayormahajjanyaṃ sambhavet
tad vayamapi yuddhālokanāya sannaddhāḥ syāma | [niṣkrāntaḥ |]
vidūṣakaḥ- bho vaassa ! saalo vi mūṃsiaaṇo saṃkkhohido
samuddo via āado | tā turiaturiaṃ gacchahma | (bho vayasya ! sakalo'pi mūṣikagaṇaḥ saṃkṣobhitaḥ samudra iva āgataḥ | tat tvaritatvaritaṃ
gacchāmaḥ |)
vajratuṇḍaḥ- sakhe mā bhaiṣīḥ
īṣatkaluṣatāṃ prāpte madīye nayanāñcale
vaivasvatapurīmete gamiṣyanti na saṃśayaḥ

2.4.p1

[punastānavalokya]

2.5

vajratuṇḍo'smi vaḥ kanyāmānayāmi balādimām
śṛṇutedaṃ tu śaktāścennivārayata mūṣikāḥ !

2.5.p1

[iti kruddhastvaritamabhigacchati |]

2.6

vidūṣakaḥ- adiramaṇijjo hu vayassassa pahāvo jaṃ edassa
daṃsaṇamatteṇa via parāṃmuhā honti mūsiā| (atiramaṇīyaḥ khalu vayasyasya
prabhāvo yadetasya darśanamātreṇaiva parāṅmukhā bhavanti mūṣikāḥ |)
vajratuṇḍaḥ- [pratinivṛtya] sakhe īdṛśo me parākramaḥ, yadeṣā varūthinī mama darśanādeva bhītā yātā
vidūṣakaḥ- [ūrdhvamavalokya] bho vayassa! ādadaṃ edaṃ pabhādaṃ
bho vayasya āgatametat prabhātam |)
vajratuṇḍaḥ-- aye ! udito'yaṃ gabhastimālī | paśyapriyāyāḥ padminyā virahaparivāpena vigatapratāpo'yaṃ rāgī ravirudayaśailoparigataḥ
nijālokotphullāṃ śaśikarakṛtātaṅkarahitāṃ
sahasrairdoṣṇāṃ tāṃ dṛḍhamupajugūha praṇayinīm

2.6.p1

tad gartaṃ gatvā vivāhaṃ nirvartayāma | [iti niṣkrāntāḥ|]
dvitīyo'ṅkaḥ
atha tṛtīyo'ṅkaḥ

2.6.p2

[ tataḥ praviśati vajratuṇḍaḥ | ]

2.6.p3

vajratuṇḍaḥ— aye ! madhyamadhyāste nabhastalamaṃśumān | mayāpi
preyasīstanataṭaparirambhaṇaparavaśībhūtena etāvānavidito'yamatikrāntaḥ
samayaḥ | tad vayasyamāhūya sasyaphalabhuktaye nirgacchāmaḥ | [nepathyābhimukhamālokya] vayasya ! itastāvat

2.6.p4

[tataḥ praviśati vidūṣakaḥ |]

3.1

vidūṣakaḥ— bho vaassa ! aaṃ mhi | (bho vayasya ! ayamasmi |)
vajratuṇḍaḥ— sasyānveṣaṇāya gacchāvaḥ
vidūṣakaḥ— taha ccia | [ubhau parikrāmataḥ |] (tathaiva |) .
vajratuṇḍaḥ— [vilokya] aho tu khalu atiramaṇīyo'yaṃ sasyākarapradeśaḥ | paśyakalamānāmalamaruṇaiḥ kaṇiśaiḥ pakvairitastataḥ kīrṇaḥ
ābhāti bhūmigata iva taraṇiḥ kiraṇairayaṃ hi kedāraḥ

3.2

vidūṣakaḥ— mae vi ṇa īriso keāro didvo | (mayāpi nedṛśaḥ
kedāro dṛṣṭaḥ |)
vajratuṇḍaḥ— sakhe ! asyāntaḥ praviśya yatheṣṭamāhārayāvaḥ | (tathā
kṛtvā) sakhe adharin ! adharitā kimu bhavataḥ kṣutpīḍā
vidūṣakaḥ - bho vaassa ! cirassa mama udaraṃ saṃpūrṇa khu
bubhukkhā uṇa tihuṇaṃ vi khāidukāmā hoi | edassa kiṃ karissaṃ | tā
gacchahma | (bho vayasya ! cirasya mamodaraṃ saṃpūrṇa khalu | bubhukṣā punastribhuvanamapi khāditumanā bhavati | etasya kiṃ kariṣyāmi | tad gacchāvaḥ |)
vajratuṇḍaḥ -
ā ! janmanaḥ prabhṛti sasyaphalopabhokturevaṃvidhā nahi babhūva mamātituṣṭiḥ
atrāntare kathamidaṃ mama vāmabāhuḥ
praspandate kimapi tīvraviṣādaśaṃsī

3.2.p1

[nepathye]

3.2.p2

3.2.p3

[punarnepathye]

3.3

hā musiarāa ! maṃ parittāāhi | ko vi maṃ vaḷakāreṇa
khāidukāmo ṇīadi | (hā mūṣikarāja ! māṃ paritrāyasva | ko'pi māṃ
balātkāreṇa khāditukāmo nayati |)
vajratuṇḍaḥ - aye ! matpreyasyā iva kharaḥ | hā prāṇavallabhe !
parakaragṛhītayā tvayā gantuṃ nirgatā amī prāṇāḥ
maśaka iva gānahīno bhetkārono yathaiva maṇḍūkaḥ
mahiṣa iva nirviṣāṇaḥ śocyo nitarāṃ tvayāhamapi

3.3.p1

3.3.p2

[ityardhokte sasaṃbhramamutthāya]

3.4

vajratuṇḍaḥ -- kāsau kāsau
vidūṣakaḥ - [kiñcid vihasya] mae khu diṭṭhā esā hijjo siviṇe
parāvaṇīdā tue mokkhidā a | tā taṃ aṇṇesahma | (mayā khalu dṛṣṭaiṣā
hyaḥ svapne parāpanītā tvayā mocitā ca | tat tām anviṣyāvaḥ |)
vajratuṇḍaḥ - sakhe paravaśībhūtāni me gātrāṇi | tat katham
anveṣayāmi
vidūṣakaḥ- tue ekeṇa evva saalāṇaṃ mūsiāṇaṃ saṃkhohidāṇaṃ samakkhaṃ tisse karapariggaho kido | tassa de dāṇi kahiṃ gadā
vīradā | (tvayaikenaiva sakalānāṃ mūṣikāṇāṃ saṃkṣobhitānāṃ samakṣaṃ tasyāḥ
rūpagrahaḥ kṛtaḥ | tasya ta idānīṃ kutra gatā vīratā |)
vajratuṇḍaḥ-- bhoḥ ! yuktameva bhāṣate | āḥ !
āstāṃ vilolatarasundarunāyakānāṃ
kṣudraṃ balaṃ mama dṛgañcalaśoṇabhītam
mārjalakānapi mayi pratikūlabhāvānantaṃ nayāmi yadi no nahi mūṣiko'ham

3.5

tadahamanviṣye tatpadavīm | bhavānapi vanamūṣikā gṛhamūṣikā jalamūṣikā
adharimūṣikā iti caturvidhān me sainikānānīyamānānanusaratu
vidūṣakaḥ-- taha karissaṃ | [niṣkrāntaḥ |] (tathā kariṣyāmi |)
vajratuṇḍaḥ-- [agrato vilokya] aye āgataiva caturvidhā senā
kharataranakhapātoddhūtapṛthvīrajobhiḥ
pihitaharipadeyaṃ vāhinī mūṣikāṇām
rudhirakalitatīvraiḥ śātatuṇḍāgrabhāgai
ripugaṇabhayadāyinyāgatā vegato mām

3.5.p1

aye ! dīrghapucchanāmā mama vāhinīpatistasyāḥ pṛṣṭhata evāgacchati

3.5.p2

[tataḥ praviśati dīrghapucchaḥ |]

3.6

dīrghapucchaḥ-- jayatvāryaḥ | ājñapto'smi bhavatpitrā bṛhattuṇḍena | yathā - vatsa dīrghapuccha ! mama tanayasya vajratuṇḍasya priyatamāṃ
subālāṃ raktāṅgo nāma bhujaṅgādhamo'pahṛtavān | tat senāmānīya
tvaritataraṃ gatvā vijitya tam enāmānayeti | tadājñāpayatvāryaḥ
vajratuṇḍaḥ- [saroṣaṃ] kiṃ kiṃ bhujaṅgahatako matpriyām apaharati
sma | [vicintya]
yasya mūṣikavarā varūthinī kartaniniśitatuṇḍamāyudham
hā turīyabhuvanaprabhośca me tasya kaṣṭamurago hi mānahā

3.7

bhavatu | bhavatu
adya prabhidya hṛdayaṃ tarasā tadaṅgaṃ
nirgacchadāsrakapilīkṛtasarvagātraḥ
ānīya madbhujayugena tadāntramālāṃ
vakṣasyaho srajamivākalaye madīye

3.7.p1

tadagrato gaccha
dīrghapucchaḥ- yadājñāpayatyāryaḥ

3.7.p2

[senāṃ puraskṛtya parikrāmataḥ |]

3.8

dīrghapucchaḥ- kimattimātrasaṅkulaṃ me sainyam | [aprato
vilokya] aye bhujaṅgamo'yaṃ dṛśyate
daṃṣṭrākarālaṃ vadanaṃ vidārya muñcan priyāṃ mūṣikavaṃśabhartuḥ
āyāti tūrṇaṃ bhujageśvaro'sau yugāntadīptānalatulyatejāḥ

3.8.p1

vajratuṇḍaḥ- kiṃ kimāgacchati bhujaṅgahatakaḥ | tad vayamapi
sannaddhāstvaritataramabhigacchāmaḥ

3.8.p2

[niṣkrāntāḥ sarve |]

3.8.p3

iti tṛtīyo'ṅkaḥ
atha caturtho'ṅkaḥ

3.8.p4

[ tataḥ praviśati kṛkalāsakumāraḥ | ]

3.8.p5

kṛkalāsakumāraḥ - ādiṣṭo'smi mātrā viṣapucchyā | yathāidaṃ kīṭamāṃsamānītamupabhoktuṃ pitaraṃ satvaramānayeti | tat pitaraṃ
drakṣyāmi | [parikrāmati |]

3.8.p6

[tataḥ praviśati vṛddhakṛkalāsaḥ |]

4.1

vṛddhakṛkalāsaḥ - aye putro'yaṃ me samāgataḥ | [satvaraṃ sapramodaṃ
cāliṅgya] vatsa ! kimatyantamlānaṃ te mukham
kumāraḥ - ārya ! adya prātarevāmbāniyogāt kīṭamāṃsabhakṣaṇāya
bhavantamānetuṃ mātṛsakāśādāgato'ham | madhyeśārgamadṛṣṭapūrvamāścaryamayaṃ
vṛttāntaṃ dṛṣṭvaitāvantaṃ kālaṃ vismayāviṣṭamanā atiṣṭham | tataḥ kṣutpipāsayā kālātikramaṇabhayācca tvaritataraṃ bhavantamāgataḥ
vṛddhaḥ - vatsa ! kīdṛśo vṛttāntastvayā dṛṣṭaḥ
kumāraḥ - śrūyatāṃ tāvat | adya nijapriyatamāṃ subālāṃ bhakṣaṇārthamapahṛtya prātareva raktāṅgabhujaṅgarājaṃ gacchantaṃ sasainyo yuddhāya samāvṛṇod vajratuṇḍo nāma mūṣikakumāraḥ
vṛddhaḥ - aho nu khalu bhujaṅgamaṃ mūṣikā yuddhāyābhidhāvantītyetadatyāhitam | tatastataḥ
kumāraḥ -- tato'bhimukhagatānetān bhujaṅgarājo'pi niṣprāṇāṃ
mūṣikavallabhāṃ bhūmau nikṣipya kruddhaḥ sametya nijaśvasitena daṃṣṭrādvayenaca kāṃścijjaghāna | tataḥ palāyitaṃ mūṣikagaṇaṃ vilokya,
nijakharanakharāgrairdhudhyamāno bhujaṅgaṃ
suṣiramavajagāhe bhītavanmūṣikendraḥ
tadanugamanakāṅkṣī roṣavān nāgarājo
vivaramanuniviṣṭaḥ pūrvakāyena vegāt

4.2

vṛddhaḥ-- tatastataḥ
kumāraḥ-- tatastvaritamanyena pathā gatvā nirgatya niśitataranijatuṇḍena nāgasyāparakāyaṃ śataśaḥ khaṇḍayitvā vivaramukhadvayamapi
pāṣāṇādibhiḥ pūrayitvā nijakāntāsamīpamuddiśya gatavān vajratuṇḍaḥ
ahamapi tvaritamāgataḥ
vṛddhaḥ -- aho vicitrataramupāyametat | āvāṃ māṃsabhakṣaṇāya
gacchāvaḥ | [niṣkrāntau |]
viṣkambhakaḥ
[tataḥ praviśati vajratuṇḍaḥ dīrghapucchavidūṣakābhyāṃ saṃvāhitagātraḥ |]
vajratuṇḍaḥ -- aśrutapūrvamāścaryamidaṃ karma | kutaḥ,
vīryotkaṭānapi bahūnapi mūṣikāṇāṃ
saṅghānnihanti śiśurapyuragaḥ kṣaṇena
te hanti naiva tamataḥ khalu pūrvabhasma
jāterguṇo na jaya ityakhilā vidantu

4.3

dīrghapucchaḥkimetat kṛtakaṃ vīra tvayā nihata ityahiḥ
rāvaṇo'pi hato yuddhe rāmeṇa manujena hi

4.3.p1

tādṛśo nanu bhavān | sa bhūpatiḥ, pātālapatirbhavān, iyānenaṃ bhedaḥ
kvāyamaste sa durmatiḥ

4.3.p2

[nepathye]

4.3.p3

4.3.p4

[vajratuṇḍaḥ satvaramupasṛtya pādayoḥ praṇāmaṃ karoti |]

4.4

pāṣāṇa0- vatsa keyaṃ te mukhakṣatiḥ
vajratuṇḍaḥ- śrūyatāṃ tāvat | adya,
prātarmadīyadayitāmapahṛtya yāntaṃ
raktāṅgameśa bhujagādhipamāhvānte
tuṇḍāgrakhaṇḍitatanuṃ tarasā nihatya
tacchrāntiśāntikaraṇārthamiha sthito'smi

4.5

pāṣāṇa0 — [sapramodamāliṅgya śirasi karaṃ dattvāśīrvādaṃ kṛtvā]
aśrutapūrvamidaṃ tvayā kṛtam | adyāhamapi prātarutthāya,
kṛtvā pratyūṣakṛtyaṃ maśakakulapatergartitāmākarṇya tṛptvā
bhaktyā sampūjya vighnādhipavahanapadaṃ mūṣikendraṃ praṇamya
gatvāntardhānyagehaṃ kalamakaṇiśamāhṛtya bhuktvā yatheṣṭaṃ
śrutvā vatsāṃ bhujaṅgakṣitimṛdapahatāmāgataḥ śoktato'ham

4.6

vidūṣakaḥ — bho vaassa ! āadaṃ evva rattīe muham | (bho vayasya
āgatameva rājyā mukham |)
vajratuṇḍaḥ — [ūrdhvamavalokya] aye ! astamito'yaṃ bhānumālī
paśya—
padminīṃ nijakarairupagṛhya preyasīṃ sucirameṣa yatheṣṭam
nirgame virahatapta ivāsāvambudhau paripapāta dineśaḥ

5.1

tat prāṇeśvarīṃ draṣṭuṃ gacchāvaḥ | [iti niṣkrāntaḥ |]
iti caturtho'ṅkaḥ
atha pañcamo'ṅkaḥ
[tataḥ praviśati aṅkasthāpitapriyo vajratuṇḍaḥ pāṣāṇadāraṇavidūṣakābhyāṃ saha |]
vajratuṇḍaḥ— ayi prāṇavallabhe ! kathamamurāgiṇaṃ māmapi parityajya paralokaṃ gatāsi
pāṣāṇa0—
vatse ! madutsaṅganiveśanañca
viśleṣadīnāṃ tava mātaraṃ ca
vihāya mugdhe ! kva gatāsi manye
nirvatsalā snigdhajaneṣu nāryaḥ

5.2

vajratuṇḍaḥ—dayite ! nayanāñcalena māṃ
sakṛdālokaya lokabhūṣaṇe !
kimināgasi vallabhe manāganurakte mayi nānukampase

5.2.p1

vidūṣakaḥ — vaassa ! duṭṭhabhuaṃgapīḍaṇasaṃbhamasaṃdāvāe edāe
saṃdāvasaṃtiṃ karissaṃ | [iti vālāgreṇa vījayitvā sasaṃbhramaṃ] bho bho
vaassa ! jīvidā khu esā | imāe kesaggāṇi kiṃpi caḷanti
(vayasya ! duṣṭabhujaṅgapīḍanasaṅkramasantāpāyā etasyāḥ santāpaśāntiṃ kariṣyāmi
bho bho vayasya ! jīvitā khalveṣā | asyāḥ keśāgrāṇi kimapi calanti |)
vajratuṇḍaḥ – mūrkha ! bālamārutenaiva keśāgrāṇi calanti | iyaṃ
khalu niṣkaruṇena kṛtāntena nitāntanāśirtaiva | vṛthākṛto matprayatnaḥ
hā prāṇavallabhe ! [iti mūrcchitaḥ patati |]
vidūṣakaḥ – hā baasso vi pacchimaṃ avatthaṃ gado evva | ahaṃ
pi ubbandhia marissaṃ | [iti pāśaṃ gṛhṇāti |] (hā vayasyo'pi paścimāmavasthāṃ gata eva | ahamapi udbandhya mariṣyāmi |)
pāṣāṇa0 – hā niṣkaruṇo'yaṃ vidhiḥ, yenaitāvadīmavasthāṃ māṃ
darśayituṃ kalpitaḥ | tasmādahamapi saṃkhyāsye | [iti nijanakharāgrāṇi karṇe
praveśayati |]
vidūṣakaḥ – ae mūkhiabhagavaṃ āacchadi | (aye mūṣikabhagavānāgacchati |)

5.2.p2

[tataḥ praviśati mahāmūṣikaḥ |]

5.2.p3

mahāmūṣikaḥ – ājñāpto'smi vighneśvareṇa bhagavatā | yathā– ahaṃ
tāvat pituḥ praṇāmaṃ kariṣye | tvamapyambāsamīpānmodakāni kadaḷīpakvāni cānayeti | tat tathā karomi | [vāmākṣispandanaṃ sūcayati |]
kimasya durnimittasya phalam | [vicintya] bhavatu | dṛṣṭam | madārādhanatatparasya vajratuṇḍasya mahānanarthaḥ sambhavati | tat tvaritaṃ gacchāmi
[parikramya] aye mohaṃ gata evāyam [tasyāṅge jalaṃ vikṣipati | vajratuṇḍaḥ
sasaṃbhramamutthāya pādapraṇāmaṃ karoti | mahāmūṣiko vajratuṇḍamāliṅgyāśīrvādaṃ
karoti |]
vidūṣakaḥ - bhaavaṃ ! adidūsahasaṅkaḍe paḍidāṇaṃ amhāṇaṃ aintidovaṇadaṃ miṭṭhabhoaṇaṃ bia suhaaraṃ hoi bhaavado daṃsaṇaṃ | (bhagavan !
atidussahasaṅkaṭe patitānāmasmākamacintitopanataṃ miṣṭabhojanamiva sukhakaraṃ
bhavati bhagavato darśanam |) [mahāmūṣikaḥ salilaṃ japtvā vikṣipya subālāṃ ca
jīvayati | subālā utthāya pādapraṇāmaṃ karoti |]
mahāmūṣikaḥ - bhadre ! svastyastu te | bhartā bhavatyā dīrghāyurbhavatu
tvamapi bahuputrayutā bhava
pāṣāṇa0 - [praṇamya] mahānanugraho'smāsu bhavatā kṛtaḥ
mahāmūṣikaḥ - svasti bhavate

5.2.p4

[pāṣāṇadāraṇaḥ subālāvidūṣakābhyāṃ niṣkrāntaḥ |]

5.3

vajratuṇḍaḥ - uttīrṇā vayamasmād vyasanāmbudheḥ
mahāmūṣikaḥ - kiṃ te pra his priyāntaramupaharāmi | kiṃ te priyāntaramupaharāmi
vajratuṇḍaḥ -
abhimatadayitāpi jīvitā
mama bhagavan bhavataḥ prasādataḥ
yudhi ripurapi nirjito balī
priyataramanyadato na vidmahe

5.4

tathāpyetāvadastu— [ bharatavākyam ]
dṛṣṭaṃ bhūyājjanānāmabhimatakalamāśālīnīṃ bhūtadhātrīṃ
mṛtsnāṃ kurvantu kalpāvadhi saliladharāḥ kālavṛṣṭyā nitāntam
evaṃ yuṣmatprasādāddinamanubhavatāṃ śreyase māmakīnā
bhaktirviśveśapādāmbujayugalagatāpyastu janmāntare'pi

5.4.p1

[ niṣkrāntāḥ sarve | ]

5.4.p2

pañcamo'ṅkaḥ

Subalavajratunda (Subālāvajratuṇḍa)

Contents

Text

See also: more in Not in a sub-category